Rus qoşunları Dnepropetrovsk vilayətinin inzibati sərhədi yaxınlığında üstünlük təşkil edir – Rusiya KAB-ları (idarə olunan aviabombalar) istehkamları dağıdır.

Axar.az xəbər verir ki, bu barədə ukraynalı hərbi müşahidəçi Boqdan Miroşnikov bildirib.

Onun sözlərinə görə, bu istiqamətdə nəzarət hər iki tərəf üçün qeyri-sabitdir və düşmən dəfələrlə bölgənin inzibati sərhədinə yaxınlaşıb:

“Birincisi, istər bizim tərəfdən, istərsə də düşmən tərəfdən orada nəzarət sabit deyil. Bu səbəbdən düşmən sərhədə qədər gəlməyə, hətta Dnepropetrovsk vilayətinin inzibati sərhədindən içəri keçməyə də imkan tapır. Əslində bu artıq baş verib və dövri olaraq hələ də baş verir. İkincisi – orada qüvvə və vasitələrin nisbəti ən yaxşı halda bizim xeyrimizə deyil - 1-ə 9-dur”.

O qeyd edib ki, belə şəraitdə ruslar hansı istehkamlar olursa-olsun, irəliləməyə davam edəcək.

Bundan əlavə, ekspert bildirib ki, Rusiya idarə olunan aviabombaları Ukrayna istehkamlarını tez bir zamanda dağıdır, bu da müdafiə xətlərinin effektivliyini azaldır.