2025.06.18 - 23:24

İsrail Hərbi Hava Qüvvələri İrana qarşı hava zərbələrinin bu gün üçüncü dalğasına başlayıb.

Axar.az xəbər verir ki, bunu İsrail Müdafiə Ordusunun rəsmi nümayəndəsi, briqada generalı Effi Defrin brifinqdə deyib.

“İsrail təyyarələri yer-yer tipli raketlərin yerləşdiyi anbarlar və buraxılış qurğuları üzərində uçuşlar həyata keçirir. Hədəf əvvəllər vurulmuş obyektlərə daxil olmağa və oradan sursat çıxarmağa çalışan İran hərbçiləridir”, - Defrin qeyd edib.

***

İsrail Hərbi Hava Qüvvələrinə məxsus 60 qırıcı təyyarə son saatlarda Tehrandakı 20-dən çox hərbi hədəfə qarşı hücum dalğasını tamamlayıb.

Bu barədə İsrail Müdafiə Qüvvələri məlumat yayıb.