NATO ölkələri gələn həftə alyansın Haaqada keçiriləcək sammiti zamanı Donald Trampa güzəştə getməyə hazırdır. Həmin güzəştlərdən biri də Ukraynaya aiddir.

Axar.az xəbər verir ki, bu barədə "Politiko" məlumat yayıb.

Məlumata görə, NATO-ya üzv ölkələrin liderləri öz müdafiə xərclərini ÜDM-in 5%-nə qədər artırmaq öhdəliyinə hazırdır:

"Avropanı ümumi müdafiəyə kifayət qədər töhfə vermədiyinə görə tənqid edən Trampın dəfələrlə tələb etdiyi də məhz budur. Bu, Tramp üçün qələbə kimi görünsə də, onun razı qalacağına zəmanət yoxdur. Avropalılar arasında bu öhdəliyin yerinə yetirilməli olduğu tarixlə bağlı geniş fikir ayrılığı var. Bəzi Avropa ölkələri bunun yaxın bir neçə onillik üçün hədəf kimi müəyyən edilməsini istəyir, Tramp isə yəqin ki, yaxın illərdə ÜDM-in 5%-lik hədəfinə çatacağını gözləyir. Çox sayda fikir ayrılıqlarına baxmayaraq, avropalılar arasında razılıq var ki, Trampın NATO-nun bu sammitindən məmnunluğunu təmin etmək onlar üçün ən vacib məsələdir. Xüsusilə Rusiyanın Ukraynaya təcavüzü və Amerikanın diqqətinin Asiya və Yaxın Şərqə keçməsi kontekstində. Trampa daha bir fundamental güzəşt Ukrayna-NATO Şurasının iclasının keçirilməsindən imtina etməsi olub".