ABŞ-ın İranın nüvə obyektlərinə hücumu artıq sarsılan bir regionda təhlükəli dönüş yaradır.

Axar.az xəbər verir ki, bunu BMT Baş katibi Antonio Quterreş BMT Təhlükəsizlik Şurasının fövqəladə iclasında bildirib.

"İki gün əvvəl məhz bu zalda mən birbaşa müraciət edərək, sülhə şans verilməsini istədim. Bu çağırış nəzərə alınmadı. Əvəzində ABŞ-ın İranın nüvə obyektlərini bombalaması artıq sarsılan bir regionda təhlükəli dönüş yaradır", - Quterreş deyib.

O, Yaxın Şərqdə hər hansı hərbi eskalasiyanı dəfələrlə pislədiyini nəzərə çatdırıb:

“Regionun insanları daha bir dağıdıcı dövrə tab gətirə bilməz. İndi biz hər cavab tədbirindən sonrakı növbəti cavab tədbiri ilə dərin quyuya yuvarlanmaq təhlükəsi ilə üzləşirik".

Qeyd edək ki, 22 iyunda ABŞ İranın nüvə obyektlərinə zərbələr endirib.