Prezident Trampın narahatlığına gəlincə: ABŞ-ın İrana zərbəsini pisləyirəm - bu, öz məqsədlərinə çatmadı. Bununla belə, Rusiya İrana nüvə silahı vermək niyyətində deyil, çünki İsraildən fərqli olaraq, biz Nüvə Silahlarının Yayılmaması Müqaviləsinin tərəfləriyik.

Axar.az xəbər verir ki, bunu Rusiya Təhlükəsizlik Şurasının sədr müavini Dmitri Medvedyev Trampın onun açıqlamasına münasibətini şərh edərkən X hesabında yazıb.

Medvedyev vurğulayıb ki, o, bunun nə ilə nəticələnəcəyini yaxşı bilir, çünki prezident kimi Rusiyanın nüvə qüvvələrinə nəzarət edirdi.

Qeyd edək ki, Medvedyev ABŞ-ın İrana gecə zərbələrindən (22 iyun - red.) sonra bəzi ölkələrin nüvə silahlarını Tehrana təhvil verməyə hazır olduğunu bildirib. Tramp isə açıqlamasında buna təəccübünü gizlətməyib.