ABŞ, İsrail, Qətər və İran arasında atəşkəs danışıqlarının detalları məlum olub.

Axar.az xəbər verir ki, bu barədə “Tayms of İsrail” mənbələrə istinadən məlumat yayıb.

“Prezident Donald Tramp əvvəlcə İsrailin Baş naziri Benyamin Netanyahu ilə telefonla danışıb, daha sonra Qətər əmiri ilə əlaqə saxlayıb və ondan İranı dialoqa daxil etməsini istəyib. Qətər əmiri isə Tehranın ABŞ-ın Doha yaxınlığındakı Əl-Üdeyd aviabazasına ballistik raketlər buraxmasından sonra İran rəhbərliyi ilə danışıqlar aparıb. Zərbədən sonra İran Qətər vasitəsilə ABŞ-a mesaj göndərib ki, vəziyyəti daha da gərginləşdirməkdə maraqlı deyil. Vaşinqton da İrana hərbi əməliyyatla cavab verməyəcəyini və deeskalasiyaya hazır olduğunu vurğulayıb”, - mənbə bildirib.