Suriya məsələsi Ankara üçün son dərəcə əhəmiyyətlidir.

Axar.az xəbər verir ki, bunu Türkiyə Prezidenti Rəcəb Tayyib Ərdoğan deyib.

O qeyd edib ki, Türkiyənin Suriya ilə uzun sərhəd xətti, eləcə də dərin tarixi və mədəni əlaqələri var:

"Bu səbəbdən Suriyada baş verən istənilən hadisə birbaşa olaraq Türkiyəyə təsir edir. Son illərdə, təəssüf ki, Suriyadan bizə yalnız mənfi təsirlər əks olunub. Bu çətin dövrdə istər Türkiyə XİN, istərsə də MİT rəhbərliyi Suriyadakı vəziyyətlə bağlı davamlı və sıx təmasda olublar", – Ərdoğan əlavə edib.

Ölkə başçısı vurğulayıb ki, Türkiyə Suriyanın yenidən vahid və bütöv dövlət kimi formalaşmasını, eləcə də ölkədə sabitliyin və əmin-amanlığın bərqərar olunmasını dəstəkləyir:

“Suriyanın ərazi bütövlüyünün qorunması bu prosesin əsas şərtidir”.