Hindistan və Rusiya S-400 sistemlərinin tədarükünü və Su-30 təyyarələrinin modernizasiyasını müzakirə edib.

Axar.az xəbər verir ki, bu barədə məlumatı Hindistan Müdafiə Nazirliyi yayıb.

Çində Hindistan və Rusiya müdafiə nazirləri Racnatxa Sinqx və Andrey Belousov arasında keçirilən görüş zamanı müdafiə əməkdaşlığının genişləndirilməsi məsələləri müzakirə olunub. Qeyd olunub ki, görüşdə əsas diqqət S-400 zenit-raket komplekslərinin tədarükü, Su-30 qırıcılarının modernizasiyası və kritik əhəmiyyətə malik hərbi texnikanın qısa müddət ərzində alınmasına yönəlib.

Nazirlik qeyd edib ki, bu görüş son zamanlar iki ölkənin müdafiə nazirləri arasında keçirilən ən əhəmiyyətli danışıqlardan biri olub. Görüş Hindistanın “Sindur” əməliyyatı fonunda baş tutub və ölkənin müdafiə sənayesinin gücləndirilməsi, xüsusilə hava hücumundan müdafiə, hava-hava raketləri, müasir texnologiyalar və aviasiya platformalarının yenilənməsi sahəsində ehtiyaclarını ön plana çıxarıb.