Avropa İnsan Hüquqları Məhkəməsi (AİHM) Fransaya qarşı qərar qəbul edib.

Axar.az xəbər verir ki, bu barədə Fransa mediası məlumat yayıb.

Qeyd olunub ki, 2011-ci ildə polis Fransa vətəndaşı Kərim Tuilini 10 gün ərzində üç dəfə saxlayaraq yoxlayıb. Oxşar vəziyyət Bezanson şəhərində yaşayan bir neçə başqa şəxsə də tətbiq olunub. Yerli məhkəmələrdə iddiası tam şəkildə təmin edilməyən Kərim Tuili AİHM-ə müraciət edib.

Məhkəmə qərarında polisin bu cür davranışını etnik diskriminasiya kimi qiymətləndirib. Qeyd olunub ki, polis tərəfindən etnik mənsubiyyətə əsaslanan yoxlamalar nadir hallarda baş vermir və bəzi hallarda yoxlamalar zamanı şəxslərə qarşı təhqirlər də olur.

AİHM-in qərarına əsasən, Fransa hökuməti iddiaçıya 3000 avro məbləğində mənəvi təzminat ödəməlidir.