İran Prezidenti Məsud Pezeşkianın Ermənistana səfəri yayın sonuna qədər baş tuta bilər.

Axar.az Teleqraf-a istinadən xəbər verir ki, bu barədə Tehranın İrəvandakı səfiri Mehdi Sübhani məlumat verib.

Onun sözlərinə görə, hazırda prezidentin Ermənistana səfərinin təşkili istiqamətində iş aparılır:

“Hazırkı gərgin şəraitdə belə səfərin planlaşdırılmasını müzakirə etmək üçün Xarici İşlər Nazirliyinin və səlahiyyətli qurumların nümayəndələri ilə görüşmüşəm. Prezidentin səfəri zamanı imzalana biləcək sənədlərin siyahısını mübadilə etdik. Hazırda prezidentin səfəri çərçivəsində planlaşdırılan bütün proqramları da müzakirə edirik. Müharibənin davam edib-etməyəcəyindən asılı olmayaraq, səfər yayda təşkil olunacaq”.