O, bəzi xoş açıqlamalar verdi. Çox xoş açıqlamalar. Vladimir Putin çox xoş sözlər söylədi.

Axar.az xəbər verir ki, bunu ABŞ Prezidenti Donald Tramp rusiyalı həmkarı Vladimir Putinin ötən gün jurnalistlərlə söhbətində Moskva ilə Vaşinqton arasındakı münasibətlərlə bağlı verdiyi açıqlamanı şərh edərkən deyib.

“O, ölkəmizə yenidən hörmət edir. Sizə indi açıq şəkildə deyə bilərəm ki, o, bir il əvvəl – əvvəlki ABŞ prezidenti Co Bayden dövründə ölkəmizə hörmət etmirdi. Amma indi Putin ölkəmizə hörmət edir. Çin Sədri Si Szinpin də ölkəmizə hörmət edir. Şimali Koreya lideri Kim Çen İn də ölkəmizə hörmət edir. Onlar ölkəmizə yenidən hörmət edirlər”, – deyə Tramp vurğulayıb.

Onun sözlərinə görə, cəmi bir il əvvəl ABŞ-ın dünya arenasında hörməti yox idi:

“ABŞ-ın səriştəsiz bir prezidenti var idi və onun ətrafında pis insanlar toplanmışdı, onların da pis niyyətləri var idi. Dünya ölkəmizə yenidən hörmət edir”.

Qeyd edək ki, ötən gün Putin Rusiya ilə ABŞ arasında münasibətlərin Trampın sayəsində düzəlməyə başladığını, onun Ukraynadakı münaqişənin həllinə kömək etmək səylərinin səmimi olduğunu və Amerika liderinə böyük hörmət bəslədiyini və onu cəsarətli, mərd insan hesab etdiyini bildirib.