Donbas və Novorossiyada (Ukraynanın işğal edilən və Rusiyaya qanunsuz birləşdirilən əraziləri – red.) insanların öz doğma torpaqlarına qayıda bilməsi üçün güclü iqtisadi yenidənqurmaya ehtiyac var.

Axar.az xəbər verir ki, bunu Rusiya Prezidenti Vladimir Putin deyib.

"Biz bu nəhəng potensialı yeni mərhələdə tam üzə çıxarmalı və reallaşdırmalıyıq, “tarixi bölgələrimiz”in iqtisadiyyatının güclü şəkildə yenidən başlamasını və inkişafını təmin etməliyik, onların maliyyə bazasını gücləndirməliyik, özünü təmin etməliyik. Bunun üçün bütün resurs və imkanlar var. Əsas odur ki, insanlar yaxşılığa doğru dəyişiklikləri görsünlər, evlərinə qayıtsınlar”, - Putin qeyd edib.