ABŞ Prezidenti Donald Trampın Suriyaya qarşı sanksiyaların ləğvi ilə bağlı fərmanı tarixi sənəddir.

Axar.az xəbər verir ki, bu fikri Suriya xarici işlər naziri Əsəd əş-Şeybani deyib.

“Biz Prezident Trampın tarixi fərmanını alqışlayırıq. Suriyaya qarşı tətbiq edilən əksər sanksiyalar ləğv edilir”, - deyə nazir qeyd edib.

Şeybaninin sözlərinə görə, bu sənədi imzalamaqla Ağ Evin sahibi Suriyaya öz tarixinin yeni mərhələsinə keçməyə kömək edəcək, bununla da ölkə bütünlüklə sabitliyə nail olacaq və beynəlxalq ictimaiyyətə açıq olacaq.

Şeybani qeyd edib ki, qarşıdan gələn iqtisadi dirçəliş, öz növbəsində, əvvəllər ölkəni tərk etməyə məcbur olmuş Suriya vətəndaşlarının öz vətənlərinə qayıtması üçün təhlükəsiz şərait yaradacaq.