Yuxarı

Türk tələbə: “Bizdə həkimləri döyürlər” – Foto

Ana səhifə Reportaj
12 Punto 14 Punto 16 Punto 18 Punto

Bu dəfə danışmaq növbəsi onlarındır. Amma bu peşə sahiblərinin əsas işi heç də danışmaq yox, əməli fəaliyyətdir. Çünki bu günün və sabahın sağlamlıq qarantı onların əllərindədir. Özləri nə düşünürlər deyibən, yollanırıq Azərbaycan Tibb Universitetinə.

İçəri keçər-keçməz ağ xələtli oğlanlar və qızlar hər yerdə gözə dəyirlər. Onlar ümidlidirlər - gələcəyin ən yaxşı həkimləri olmağa...

Axar.az-ın "tələbələrlə görüş" layihəsinin qonağı müalicə-profilaktika fakültəsinin 3-cü kurs tələbəsi Məhərrəm Alimli deyir ki, tibdə əsas məsələ yaxşı avadanlıqdır.

Onun sözlərinə görə, müasir tibb bunu tələb edir: "Bu, həkimin savadından savayı müalicəyə kömək edir və düzgün diaqnoz qoyulmasında həkimə yardımçı olur. Biz bu dəqiqə Avropadakı xəstəxanalara fikir versək, görərik ki, orada cavan xəstələrə rast gəlmək az qala mümkün deyil.

Böyük əksəriyyət yaşlı nəslin nümayəndələridir. Amma bizim xəstəxanalarda tam əksidir. Bunun əsas səbəbi isə bizdə çek-ap müayinənin olmamasıdır. Ona görə bizə əsas lazım olan budur ki, hər kəs 6 aydan bir ümumi çek-ap müayinədən keçsin.

Çox istəyərdim ki, bizdə həkimlər kollegium iclaslar keçirib, xəstəliklər barədə birgə qərar versinlər. Bizdə qərarlar bir həkimin fərdi düşüncəsi sayəsində verilir, bu da əksər vaxtlarda effektli olmur".

Müalicə-profilaktika fakültəsinin 6-cı kurs tələbəsi Fərid Qurbanlının fikrincə, çek-ap müayinənin olması üçün isə tibbi sığorta olmalıdır: "Respublika ərazisində savadsız həkimlər azdır.

Həkim ucbatından ölümlərə gəlincə, məsələn, jurnalist Rasim Əliyev sırf həkim ucbatından öldü. Şəxsən o cür xəbərləri oxuyanda pis oluram. Məsələn, Nərmin Hüseynovanın ölümündə isə həkimin günahı yox idi, buna səbəb ölkədə tibbi sığortanın olmamasıdır".

Müalicə-profilaktika fakültəsinin 5-ci kurs tələbəsi Gültac Kərimli bildirib ki, tələbələrin nitq qabiliyyəti də sıfıra enməkdədir:

"Düşünürəm ki, imtahanlar həm test, həm də şifahi olsa, bunun qarşısını almaq olar. Amma bununla hər kəs razı deyil. Mən də hər kəs kimi həkim ucbatından ölüm xəbərləri barədə eşidəndə pis oluram".

Müalicə-profilaktika fakültəsinin 2-ci kurs tələbəsi Məsumə Mustafayeva hesab edir ki, Azərbaycanda tibb sahəsi olduqca zəifdir:

"Bəzi əməliyyatları ölkədə aparmaq olmur. Niyə başqa ölkədə aparılsın, amma Azərbaycanda yox? Məncə, qiymətlər də aşağı olmalıdır. Əməliyyatların qiyməti çox bahadır.

Düşünürəm ki, bütün uğursuz əməliyyatların səbəbi həkimin şəxsi həyatı ilə əlaqədardır. Əməliyyat zamanı həkimin şəxsi həyatındakı problem uğursuz əməliyyata səbəb ola bilər".

Söhbətimizə İrandan və Türkiyədən tibb təhsili almaq üçün gələn tələbələr qoşulur. Onlar İran vətəndaşı Milad Keşavərz və Türkiyə vətəndaşı Səid Turuddur.

Səid bildirir ki, bu peşəyə atasının israrı ilə gəlib. Onun ən böyük istəyi bir gün xəstələrinin ona "Allah səndən razı olsun" deməsidir.

"İranda Tibb Universitetinə qəbul olmaq çox çətindir. Ona görə də Azərbaycanda oxumağı seçdim. Düşünürəm ki, ATU belə güclü ölkə üçün zəif universitetdir", - deyə Keşavərz bildirib.

- Sizdə həkim səhlənkarlığı olanda vətəndaşlar necə etiraz edirlər?

Türkiyəli tələbə: "Bizdə həkimi döyürlər".

İranlı tələbə: "Bizdə isə söyürlər".

Sonda ATU-nun tələbələri ölkə vətəndaşlarına gələcəyin həkimləri kimi tövsiyə də verdilər:

"Hər bir xəstəlik sinir sisteminin pozulması, əsəb və stress səbəbi ilə meydana çıxır. Bizim cəmiyyətdə də əsəb, stress səhər açılandan axşama qədər davam edir. Buna görə də insanlara gülərüz olmağı tövsiyə edirik".

Razılaşmamaq olmur...

Tarix
2015.11.13 / 09:52
Müəllif
Fatimə İbrahimova
Şərhlər
Digər xəbərlər

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla