Rusiyanın "Birinci" kanalının jurnalistləri
Azərbaycan-Ermənistan cəbhə bölgəsindən videoreportaj
hazırlayıb.
Axar.az xəbər verir ki, jurnalistlər Ağdam və Tərtər
rayonlarında yerli sakinlərlə görüşüb, erməni vandalizmi
nəticəsində dağıdılan evlərə baxıblar. Rusiyalı jurnalistlər sərhəd
bölgəsinin sakinləri ilə, eləcə də Bakı sakinləri ilə söhbətlərində
azərbaycanlıların müharibə tərəfdarı olmadığı, qonşuları ilə sülh
şəraitində yaşamaq istədikləri qənaətinə gəliblər.
Qeyd edək ki, aprel ayı ərzində erməni təxribatı nəticəsində
Ağcabədi rayonunun Qaraxanlı kəndində 7 otaqdan ibarət 2 mərtəbəli
ev yerlə yeksan olub. Aprelin 27-dən 28-nə keçən gecə rayona 100-ə
yaxın mərmi düşüb. Bunlar Bayat, Qaraxanlı, Aşağı Hacılı, Niyaz
kəndləridir. 30-a yaxın ev ziyan çəkib. Ermənilərin Ağdam və Tərtər
rayonlarının cəbhəyanı kəndlərini ağır artileriyadan atəşə tutması
nəticəsində xeyli sayda mal-qara da tələf olub. Ağdamın Qaradağlı
kəndinə düşən mərmi isə 15-dək xırda buynuzlu heyvanı tələf edib.
Tərtər rayonunda isə ümumilikdə 30-a yaxın heyvan düşmənin atdığı
mərmilər nəticəsində tələf olub.
Ümumilikdə isə son bir ayda ermənilərin kəndlərimizi atəşə
tutması nəticəsində 445 evə, 5 məktəbə, 2 tibb məntəqəsinə, 2 uşaq
bağçasına, digər sosial və inzibati binalara ziyan dəyib, 100-dən
artıq ev isə tamamilə dağılıb.
Ermənilərin dinc əhaliyə bu hücumu zamanı 6 nəfər həlak olub, 26
nəfər yaralanıb.
Rusiya kanalının hazırladığı reportajın videosunu təqdim
edirik: