Əsərimlərim Vatikan Dövlət Muzeyində, Vindzor sarayında var. Eləcə də məşhurlardan Mirey Matye, Monika Belluççi, Patrisiya Kaasda əsərlərim mövcuddur. Mirey Matye və Monika Belluççi ilə görüşmüşəm.

Kult.az xəbər verir ki, bu sözləri dünya şöhrətli azərbaycanlı rəssam, professor Sakit Məmmədov Teleqraf-a müsahibəsində deyib.

O bildirib ki, Rusiya Prezidenti Vladimir Putində beş əsəri var:

“Ulu Öndər Heydər Əliyev şəxsən iki əsərimi Moskvada Vladimir Putinə hədiyyə edib. Üç əsərimi də özü alıb. Onun keçmiş həyat yoldaşı əsərlərimlə maraqlanırdı, təxminən 2000-2001-ci illər idi. Prezident Vladimir Putinlə Moskvada tədbirdə görüşmüşəm. Mən yaxınlaşıb, salam verdim, qısa bir təmas oldu.

Həmçinin Roma Papası II İohan Pavellə görüşəndən sonra onun da portretini çəkmişdim. Əsəri Prezident İlham Əliyev Roma Papasına hədiyyə eləmişdi”.