Müəyyən qida konservantları – nitrat, nitritlər xərçəng və diabet riskini artırması ilə əlaqələndirilir.

Axar.az Medicina.az-a istinadən xəbər verir ki, bu, iki böyük Fransa tədqiqatının müəllifləri tərəfindən əldə edilən nəticədir.

Hər iki tədqiqat 100 mindən çox Fransa sakininin yeməkləri barədə anketlərə əsaslanır. Təhlil göstərib ki, sənayedə emal olunmuş qidalarda geniş istifadə olunan müəyyən konservantlar ağır xəstəliklərin daha yüksək tezliyi ilə əlaqələndirilir.

Birinci yerdə nitritlər və nitratlar - vetçina, bekon və kolbasa istehsalında istifadə olunan maddələr durur. Bu maddələrlə ümumi xərçəng, eləcə də döş və prostat xərçəngi riskinin artması arasında əlaqə aşkar edib. Natrium nitrit və prostat xərçəngi arasındakı əlaqə özünü çox göstərib: risk minimal istehlak edən qruplarla müqayisədə təxminən üçdə bir qədər yüksək olub.

İkinci tədqiqat kif və bakteriyaların böyüməsinə maneə törətmək üçün istifadə edilən kalium sorbat da daxil olmaqla müəyyən pəhriz əlavələrinin 2-ci tip diabet riskinin artırdığını sübut edib.

Müəlliflər müəyyən edilmiş əlaqələrin birbaşa səbəb və nəticəni sübut etmədiyini vurğulayırlar. Hər iki tədqiqata rəhbərlik edən epidemioloq Matilda Tuvierin sözlərinə görə, konservantlarla qida qəbul etmək dərhal xəstəliyin inkişafına səbəb olmur, lakin bu cür maddələrə kümülatif məruz qalma uzunmüddətli sağlamlıq problemləri yarada bilər.