Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Avqust 2019


Boyumuz niyə qısalır? - Səbəblər açıqlandı

Ana səhifə Sağlıq
12 Punto 14 Punto 16 Punto 18 Punto

Düzgün qidalanmamaq, lazım olduğu qədərdə kalori qəbul etməmək bir sıra problemlərə yol açır. Bu problemlərdən biri də boy qısalığıdır. Bir neçə əsr əvvəllə müqayisədə insanların boyunun artdığı deyilsə də, ekspertlər daha öncəki illərə baxdıqda bunun əksinin müşahidə olunduğunu söyləyir.

Axar.az-ın məlumatına görə, endokrinoloq Nərmin İsmayılova "Sputnik Azərbaycan"a açıqlamasında bu problemin yaranma səbəblərindən danışıb: "Uşaqlarda boy qısalığının səbəblərini öyrənmək üçün mütləq onda endikrinoloji xəstəliklərin olub-olmamasını araşdırmaq lazımdır. Çünki qalxanvari vəzinin funksiyası aşağı olduqda da boy qısalığı problemi yaranır. Bundan başqa, qida çatışmazlığı, düzgün və keyfiyyətli qidalanmamaq, həmçinin "fast food"a, un məhsulları və şirniyyata daha çox üstünlük verilməsi boyun inkişafını ləngidir. Çünki boyun normal inkişafı üçün uşaq lazımı qədərdə vitaminlər, kalsium qəbul etməlidir. Boyun inkişafı üçün bədənin lazım olduğu qədərdə D vitamini zəngin olması da önəmlidir".

Ekspert son illər ölkəmizdə də bu problemin 30 faizədək artdığını söyləyir. O bildirir ki, bu problemin yaranmasında boy artımına təsir edən hormonların əskikliyi, genetik faktorların da təsiri danılmazdır: "Ailədə atanın boyunun normada olması uşağın da hündür boy olacağı demək deyil. Çünki uşağın boyu həm atanın, həm də ananın genindən asılıdır".

Qeyd edək ki, yeni doğulan körpənin boyu 1 ildə 24 sm, 1-2 yaş arası olanlarda 12 sm, növbəti illərdə isə 5-6 sm artmalıdır. Yeniyetməlik çağlarında isə qızlarda boy 15-20 sm, oğlanlarda isə 20-25 sm artır.

Ekspertlər isə deyir ki, əgər uşağın boyu illik 5 santimetrdən çox artmırsa, bu zaman mütləq həkimə müraciət edilməlidir.

Qeyd edək ki, bu gün dünyanın ən hündürboylu əhalisi olan ölkələr Hollandiya, Finlandiya, Montoneqro və Bosniya və Hersoqovinadır. Montenoqroda kişilərin orta boy ölçüsü 183.4 sm, Finlandiyada 180.7 sm, Bosniya və Hersoqovinada 181.7 sm, Hollandiyada 180.8 sm-dır. Dünyanın ən hündür boylu qadınları isə Monteneqro və Bosniya və Hersoqovinada yaşayır. Monteneqroda qadınların orta boy ölçüsü 169.4, Bosniya və Hersoqovinada isə 169.4 sm-dir.

Qeyd edək ki, Azərbaycanda kişilərin orta boy ölçüsü 171.8 sm, qadınlarda isə 165.4 sm-dır.

Tarix
2019.04.21 / 22:56
Müəllif
Axar.az
Şərhlər
Digər xəbərlər

Yaşıl lobyanın misilsiz faydaları - Video

Əgər övladınız sizinlə bu oyunu oynamasa... - Təhlükə

Şəmkirdə kürəkənin yandırdığı qadınla bağlı – Açıqlama

Alimlərdən sensasiyalı kəşf: Pişiyə allergiyası olanlar...

Şəmkirdə əri tərəfindən yandırılan qadın öldü

Əsəbiləşəndə sakitləşməyin ən sadə yolu

Yanmış dəriyə bunu çəkmək olmazmış – İlkin yardım üsulları

Bu xəstələr isti havada çölə çıxmasın, yoxsa... – Həkim

Arıçı sirləri açdı: Təbii bal neçəyədir?

Üzüm qabığının inanılmaz faydası: Xərçəngin qarşısını alır

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla