Axar.az
Yuxarı

Həkimlər nişanlı qızı şikəst etdi

Ana səhifə Sağlıq
12 Punto 14 Punto 16 Punto 18 Punto

Haqqında bəhs edəcəyimiz xanım gözəlliklə bağlı təsəvvürlərə səhhətini, əsəblərini, normal yaşamını və axtardığı gözəlliyini qurban verib. O, ideal gözəllik yanğısını indi vücudundakı əzablarla əvəzləyib.

Toyuna hazırlaşdığı bir vaxt sinəsinə cərrah bıçağından ömürlük korş zərbə alan gənc bir xanım başına gələnləri Milli.Az-a danışıb. Süd vəzləri ilə bağlı kompleksdən qurtulmaq istəyən 27 yaşlı N.B. bildirir ki, sinəsindəki komplekslə bağlı həkimə üz tutub və gözlənilməz zərbə alıb:

"Süd vəzlərimin böyük olmasından kompleks hissi duyurdum. Nişanlı olduğum üçün toydan əvvəl əməliyyat etdirməyə qərar verdim. Ötən il aprelin 7-də İstanbul Estetik Klinikasına səhər saatlarında müraciət etdim. Türk həkim Zubeir Orter müayinə etdi və bildirdi ki, süd vəzimdə olan artıq piyləri çıxartmaqla məni bu kompleksdən azad edəcək. Razılaşdım və bildirdi ki, Türkiyəyə qayıdacaq, ona görə də əməliyyatı elə həmin gün etməlidir. Əməliyyat üçün üç min beş yüz manat istədi, üç min manata razılaşdıq. Elə həmin gün qan analizi götürdülər, günorta saat üçdə əməliyyat təyin etdilər. Hazırlaşmaq üçün evə getdim, tıxacda qaldığımdan klinikaya bir az gec gəldim. Tıxacda olduğum zaman da klinikadan Mahirə xanım zəng edərək gəlib-gəlməməyimlə maraqlandı. Klinikaya çatdım və məni tələsik çizim üçün müayinə otağına göndərdilər. Burada həkim çizim edərkən heç bir avadanlıqdan istifadə etmədi. Əməliyyatım 6 saatdan artıq çəkdi. Sonradan ilk sarğı açılanda nəticəni görüb qorxdum".

Şikayətçi xanım bildirdi ki, sarğıdan sonra gördükləri çox dəhşətli idi: "Ölçülərdə böyük fərq vardı, sağ süd vəzim bərbad vəziyyətdə idi. 6 gün xəstəxanada qaldım, həkim Türkiyəyə getdi və sonrakı müayinələri azərbaycanlı Əbdüləli Əliyev apardı. Bir ay yarım hər gün klinikaya sistemə getmişəm, tikiş açılmışdı, dəfələrlə qanaxmam oldu və buna görə də toyum təxirə salındı. Sonra qardaşım baş həkim Azər Nəsirovla danışdı, o da səhvi gördüyünü bildirdi. Üzr istədi və onlara ikinci şans verməyimizi xahiş etdi. Qarşıda toy olacağını nəzərə alıb razılaşdıq. İyulun 12-də təkrar əməliyyat olundum və ikinci əməliyyatı Əbdüləli həkim etdi. Narkozdan ayılanda sağ süd vəzimə implant yerləşdirdiyini bildirdi. Bu implantın müvəqqəti olduğunu söylədi. 6 aydan sonra təkrar əməliyyata ehtiyac olduğunu dedi. Buna görə də toyum ikinci dəfə təxirə salındı. İkinci əməliyyatın təmənnasız olacağını demişdilər, lakin əməliyyatdan sonra 550 manat tələb etdilər. Xəstəxanaya etdiyim ödənişlərlə bağlı mənə heç bir qəbz də vermədilər. Bununla bağlı Vergilər Nazirliyinə etdiyim müraciət əsasında həmin klinika cərimələndi".

Başına gətirilənlərdən sonra İstanbul Estetik Klinikasına qarşı qorxu yarandığını deyən şikayətçi məhkəməyə müraciət etdiyini dedi: "Dəymiş zərərin maddi və mənəvi ödənməsini istədim, Azər müəllim isə: "Haraya müraciət edirsən, et", - dedi. Və bütün bu zaman ərzində çəkilən şəkilləri, nə də epiqroslarını mənə vermədilər. Hal-hazırda iş Nərimanov Rayon Məhkəməsindədir. Qorxuram, onlar məhkəməyə və hakimə təsir edələr. Müəssisənin sahibi kimdirsə, böyük adamdır, nüfuzundan istifadə etməsindən qorxuram. Məhkəmədə klinikadan 200 000 manat mənəvi zərər, həm də gələcək əməliyyatlarım üçün pul tələb etmişəm. Xaricdə ən azı iki dəfə əməliyyat olunmalıyam".

Əməliyyatdan sonrakı uğursuzluq N.B.-ni intihar həddinə də çatdırıb. O bildirdi ki, həkim əməliyyatdan əvvəl süd verə biləcəyimi söyləmişdi, ancaq sonradan onlar bundan məhrum etdilər: "Gələcək övladlarıma süd verə bilməyəcəm. Məcburi köçkünəm. Ermənilərdən qaçdıq, ancaq öz vətənimdə bəzi işbazlar mənim bu hala gəlməyimə göz yumdular. Tələb etdiyim pul nə sağlamlığımı, nə də itən zamanlarımı qaytaracaq, sadəcə hər kəsə dərs olmasını istəyirəm".

Klinika isə şikayətçinin süd vəzi əməliyyatının uğursuz olması ilə razılaşmır. N.B. üzərində ikinci əməliyyatı aparan Əbdüəli Əliyev isə suallara günün ikinci yarısında cavab verəcəyini bildirdi.

Klinikanın baş həkimi Azər Nəsirov isə açıqlamasında bildirdi ki, həmin xanımın süd vəziləri həddindən artıq böyük olub. Əgər yüz süd vəzisinin böyüklüyü kiçildilirsə, bu xanımda iki ən böyük süd vəzilərindən biri idi. Biri var, böyük süd vəzisini kiçildirsən, bir də var, miqyaslı süd vəzisindən azad olasan. Bu xanımda həddindən artıq böyük idi".

Baş həkimin sözlərinə görə, şikayət edən xanımın əməliyyatı normal olaraq bitib. Bundan sonra həmin xanım istəyinə uyğun olaraq süd vəzlərinin formasını dəyişmək istəyir, amma bu gün üçün onun normal süd vəzləri var.

"Bu iş məhkəməyə gedəcək və məlum olsa ki, əməliyyat uğursuz olmayıb, onda sizin yazdığınız yazının aqibəti necə olacaq? Şikayətçi çox şey deyə bilər. Onda şəkillər var, əməliyyatdan öncəki şəkilləri də sizə göstərsin. Bütün şəkillər onun özünə verilib. Bu işdə həkimin bir səhvi yoxdur ki, şəkilləri ona verməsin", - deyə baş həkim əlavə etdi.

Tarix
2015.02.20 / 13:22
Müəllif
Axar.az
Şərhlər
Digər xəbərlər

Bu problem həll edilməsə, ölənlərin sayı artacaq - Həkim

Gürcüstana 100 ton maye tibbi oksigen göndərildi

Bu gün neçə nəfər koronaya yoluxub?

Türk həkimləri dünyada bir ilkə imza atdı

Sərt karantinə keçək? Bunun xeyri olmayacaq – Həkim

"Dahi"dən korona şoku: 12 ay təcrid olunaq, yoxsa...

Lavrov erməni həmkarı ilə danışdı: Müddəalar...

Dünyada koronanın italyan ştamı yayılır? - Açıqlama

Bu qidalara diqqət: əsas komponentlərdən biri...

Ölkəmizdə koronaya yoluxma və ölüm sayı artdı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla