Medicina.az saytı Ən Yaxşı Həkim layihəsinə start verib.

Axar.az xəbər verir ki, “Ən Yaxşı Həkim” Azərbaycanda ilk tibbi konsaltinq agentliyi (bürosu) olub, pasiyentləri doğru müalicəyə istiqamətləndirən bir xidmətdir.

Bildirilir ki, dəqiq diaqnoz qoyub, müalicə etməyi bacaran peşəkar mütəxəssislərə qısa yol “Ən Yaxşı Həkim”dən keçir. Onlarla klinika, özəl xəstəxana, yüzlərlə reklam olunan və olunmayan həkimlər arasında düzgün seçim etmək asan deyil. Bu layihə vətəndaşlara peşəkarların seçdiyi ən yaxşı həkimləri, ən münasib klinikaları təklif edir.

“Sizə vaxt itirmədən, növbə gözləmədən, lazımsız müayinələri keçmədən qısa müddətdə düzgün müayinə, düzgün həkim, düzgün müalicəni təqdim edirik.

Gecəyarı və ya qəfildən özünüzün, doğmanızın həyatı təhlükəyə düşərsə, nə edəcəyinizi bilmirsinizsə, “Ən Yaxşı Həkim”ə zəng edin”, - məlumatda bildirilib.

Pasiyentlərə sayta təklif edilən güzəştlərdən və qiymət endirimlərindən istifadə etməyə də imkan yaradılacaq. Məqsəd isə xəstənin az məsrəflə, lazımsız müayinələrdən keçmədən doğru həkimə yetişməsi və düzgün müalicəsidir.