Ana səhifə Sağlıq |
Qatıq bütün dünyada ən çox yeyilən süd məhsullarından biridir. Çox qədim zamanlardan xəstəliklərin müalicəsi məqsədi ilə qatıqdan istifadə olunub. Azərbaycan mətbəxində kükü, pörtləmə, dolma və xəngələ qatıq qarışdırıb yemək kimi ənənə var. Lakin bəzi mütəxəsəssislər iddia edirlər ki, qatığı yeməyə qarışdırıb yemək əslində mədəyə, həzmə, ümumi orqanizmə zərərdir.
Bununla bağlı Axar.az-a fikirlərini bölüşən qastroenteroloq-hepatoloq Nazlı Qasımova bildirib ki, yayılan iddialar əsassızdır:
“Qədim dövrlərdən xüsusən türk və ərəb mətbəxində qatığı yeməyin üzərində töküb yemək adəti var. Qatığın tərkibində o qədər də qələvilik yoxdur. Qatıq süd məhsuludur. Süd məhsulları isə həzmə kömək edir”.
Qastroenteroloq-hepatoloq Fərrux Nağıyev da bildirib ki, qatığı xörəyə qarışdırıb yemək olar. Bunun heç bir problemi yoxdur.
Qeyd edək ki, tanınmış həkim Seyfəddin Əsəd qatığı yeməyə qarışdırıb yeməyin ziyanlı olması ilə bağlı məlumat yaymışdı.
Tarix
2021.09.16 / 13:45
|
Müəllif
Aytəkin Qardaşova
|