Sümüklərdə və dişlərdə olan flüor elementi Yerdən uzaqda da tapılıb.

Axar.az xəbər verir ki, flüor 12 milyard işıq ili uzaqlıqdakı qalaktikada aşkar edilib.

Tədqiqatçıların sözlərinə görə, flüor qaz buludlarında hidrogen flüorid şəklində olur. Flüorun mənbəyinin "Volf-Rayet" ulduz sinfinə aid olduğu bildirilib.

Sözügedən "Volf-Rayet" ulduzunun çox qısa ömür sürdüyü təxmin edilir. Flüor əvvəllər Saman yolu qalaktikasında və ətraf qalaktikalarda aşkar edilib. Ancaq 12 milyard işıq ili uzaqlığındakı qalaktikada flüorun tapılması bu elementin ilkin kainatda mövcud olması deməkdir.

Qeyd edək ki, alimlərin hesablamalarına görə, kainatın 13,5 milyard, Yerin isə 4,8 milyard yaşı var.