Xama yağlı süd məhsuludur. Onu uşaqlar da çox sevir, kalorilidir, kökəldir. Lakin uşaqlar və böyüklər arasında elə qruplar var ki, onlara xama olmaz.

Axar.az Medicina.az-a istinadən xəbər verir ki, rusiyalı nutrisioloq Olqa Kovinenko xamanın kimlərə zərərli ola biləcəyini açıqlayıb.

“1,5 yaşa kimi körpələrə ümumiyyətlə xama vermək olmaz. Qaraciyər, öd kisəsi, mədə qastriti problemi olanlar yağsız xamadan çox az yeməlidir. 1 yaşa kimi uşaqların həzm sistemi bu tərkibdə qidanı normal həzm etmək üçün hazır deyil.

Piylənməsi olanlar da xama ilə ehtiyatlı olmalıdır. Öd kisəsi daşları, durğunluq və qaraciyər piylənməsində də xama yemək olmaz”, - Kovinenko qeyd edib.