"NORD STAR" Şirkəti - Leyla Şıxlinskaya klinikası fəaliyyətə razılıq lisenziya müddətini uzadılması üçün Səhiyyə Nazirliyinə rəsmi qaydada müraciət edib".

Bu barədə Axar.az-a Səhiyyə Nazirliyindən Leyla Şıxlinskaya klinikası fəaliyyətini dayandırması ilə bağlı yayılan məlumatlara aydınlıq gətirərkən bildiriblər. Nazirlikdən verilən məlumata görə, hazırda müraciətə baxılır.

Qeyd edək ki, Milli.az-a daxil olan məlumata görə, Leyla Şıxlinskaya klinikası fəaliyyətini dayandırır. Klinikaya növbəti fəaliyyəti üçün lisenziya verilmədiyi deyilir. Klinika bağlandığına görə artıq həkim heyəti başqa müəssisələrdə özünə iş tapıb.

Tibb ocağı isə qapılarının bağlanmasını təmirlə əlaqələndirir. Klinikadan bildirilib ki, hazırda müəssisə lisenziya almaq ərəfəsindədir. Beş illik lisenziyanın vaxtı bitmək üzrədir. Ona görə də klinika müvəqqəti olaraq təmirə dayanır.