Ağrıkəsicilərin həddindən artıq istifadəsi problemlə üzləşən insanlarda ağrıları xroniki hala gətirir.

Axar.az xəbər verir ki, bu haqda nevrologiya mütəxəssisi Nihat Mustafayev danışıb.

O bildirib ki, uzun müddət davam edən baş ağrılarının müxtəlif səbəbləri ola bilər. Ona görə də ağrıkəsicilərdən istifadə etmək əvəzinə, həkimə müraciət etmək və ağrının səbəbini araşdırmaq lazımdır:

“Araşdırmalar göstərir ki, ağrıkəsicilərdən nəzarətsiz və artıq istifadə edən insanların bir çoxu baş ağrılarından əziyyət çəkir”.

N.Mustafayev qeyd edib ki, dərmandan asılı olmayaraq, düzgün diaqnoz və müalicə üçün həkim nəzarəti çox vacibdir.