Qərbi Ontario Universitetinin kanadalı alimləri aşkar ediblər ki, portağal və naringilərdə olan nobiletin maddəsi artıq çəki ilə mübarizə aparmağa, diabet və ürək-damar xəstəlikləri riskini azaltmağa kömək edir.

Axar.az Publika.az-a istinadən xəbər verir ki, təcrübə zamanı siçanlar iki qrupa bölünüb və qruplardan birinə nobiletin verilib. Nəticələr göstərib ki, nobiletin verilən gəmiricilər eyni, yüksək kalorili qidaları yemələrinə baxmayaraq, arıq qalırlar, qan lipidləri aşağı olur və insulinə həssaslıqları artıb.

Nobiletin verilən siçanların damarlarında yağ lövhəsinin azalması da daxil olmaqla, vəziyyətlərində yaxşılaşmalar müşahidə edilib.

İndi alimlər nobiletinin insanlara təsirini öyrənməyi planlaşdırırlar.