Azərbaycanda ilk dəfə qara komediya janrında film çəkilir.

Axar.az xəbər verir ki, çəkdikləri qısa, maraqlı süjetlərlə sosial şəbəkələrdə kifayət qədər izləyici kütləsi qazanan Mənsur Şərif, Rəsul Abbas, Sabir Samiroğlu və Altun Mətləboğlu "3 badam, 1 qoz" adlı film üzərində işləyir.

Filmin payızda ölkənin bütün kinoteatrlarında nümayiş olunacağı deyilir.

Qeyd edək ki, filmdə tanınmış aktrisalar - Cəmilə Tağızadə, Nigar Babayeva, Mila Eminə və Sevinc Şirinova da rol alıb. Filmin baş rejissoru Rafael Bağıroğlu, quruluşçu operatoru Nicat Zeynallı, ssenari müəllifləri isə Mehdi Sadiq, Rəsul Abbasov və Altun Mətləboğludur.