"Əli və Nino" filmi payızda nümayiş olunacaq.

Bu sözləri aktrisa Cəmilə Tağızadə "Əli və Nino" filmi ilə bağlı Axar.az-a danışarkən deyib. O, filmdə Ninonun rəfiqəsi rolunda çıxış etdiyini bildirib:

"Mən bu filmdə Ninonun rəfiqəsi rolunda çəkilmişəm. "Əli və Nino" payız aylarından etibarən bütün kinoteatrlarda nümayiş olunacaq".

Qeyd edək ki, "Əli və Nino" filmində Türkiyənin məşhur aktyoru Xalid Ərgənc, tanınmış aktrisa Mariya Valverde, Fəxrəddin Manafov, Pərviz Bağırov, Mehriban Zəki, Qurban İsmayılov və başqaları rol alıb.

Filmin icraçı prodüseri Heydər Əliyev Fondunun vitse-prezidenti Leyla Əliyeva, ssenari müəllifi britaniyalı yazıçı, ssenarist, kinorejissor, Oskar mükafatı sahibi Kristofer Hempton, prodüseri Kris Tikye, rejissoru isə Asif Kapadiyadır.