Düşünürəm ki, əgər bir insan istedadlıdırsa, o, əlbəttə ki, seriallarda və ya kinoda çəkilə bilər. Bizdə belə nümunələr var.

Bu sözləri aktrisa Cəmilə Tağızadə aktrisalıq təhsili olmayanların səhnəyə gəlməsi haqda Axar.az-a danışarkən deyib. O bu sözlərini hər kəsə şamil etmədiyini bildirib:

"Çox insan var ki, Mədəniyyət və İncəsənət Universitetinin məzunu deyil, amma öz üzərində işləyib və yaxşı iş qoyur ortaya. Bu, o demək deyil ki, hər küçədən keçən istedadsız adam və ya model sırf tanışları var deyə, gəlib seriallara çəkilib, özünü reklam edə bilər. Belə insanlara görə biz professional aktyorların, aktrisaların adı batır".