Məndə hər şey birdən-birə alındı. Universitetə qəbul oldum, dərhal rol təklifləri almağa başladım.

Axar.az xəbər verir ki, bu sözləri əməkdar artist Vəfa Zeynalova ARB TV-nin "Gəlin danışaq" verilişində ailə qurması haqda danışarkən deyib. O, çox çətin günlər yaşadığını bildirib:

"Film bitənə yaxın ailə həyatı qurdum. Universiteti bitirəndə isə artıq ana idim. Mən ailə qurmağa heç vaxt tələsməmişəm. Özüm üçün yaş müəyyən etmişdim, amma hər şey anidən baş verdi. İdmanla məşğul olub, karyeramı o yöndə qurmaq istəyirdim, lakin tamam fərqli sahəyə gəldim. Yoldaşımla 2 ilə yaxın dost idik. Sonra ailə qurmağa qərar verdik. Bu ərəfələrdə isə sənətdən uzaqlaşdım. O zamanlar rejissorlar çox əsəbiləşirdi mənə. Çünki təkliflər çox idi. Mən ana olmağa hazırlaşdığımı bildirəndə isə hamısı əsəbiləşdi ki, niyə indiyə saldın bunu?! 5 il xəstəxanalarda qaldım. Övladlarım vaxtından öncə doğuldular, çəkiləri az oldu. 5 il çox əziyyət çəkdim, amma şükür ki, əziyyətimin bəhrəsini gördüm. İndi 18 yaşındadırlar, təhsillərini davam etdirirlər".