Nizami Kino Mərkəzində Yeni nəfəs–2 adlı qısametrajlı ssenari müsabiqəsinin qaliblərinin adları açıqlanıb.

Axar.az xəbər verir ki, müsabiqədə birinci yerə Ayşad Səfərəliyev və Orxan Səmədov, ikinci yerə İlqar Quliyev, üçüncü yerə isə Murad Muradov layiq görülüb.

Qalib ssenarilər pul mükafatı və diplomla təltif olunub. Birinci, ikinci və üçüncü yerlərə müvafiq olaraq 2000, 1500 və 1000 manat məbləğində pul mükafatı verilib.

Qeyd edək ki, müsabiqənin münsiflər heyətində xalq artisti Şəfiqə Məmmədova, əməkdar incəsənət xadimi, kinorejissor və ssenarist Ayaz Salayev, tanınmış yazıçı, əməkdar incəsənət xadimi Natiq Rəsulzadə yer alıb.