"Nəsimi" filmi çəkilməmişdən bir müddət əvvəl çox ağır xəstə idim. Xəstəxanada yatırdım, düşünürdüm ki, artıq yolun sonudur, ölürəm.

Axar.az xəbər verir ki, bu sözləri xalq artisti Rasim Balayev "Bir sevgi tarixçəsi" verilişində gəncliyində keçirdiyi xəstəlik haqda danışarkən deyib. O, həyatının dönüş nöqtəsini açıqlayıb:

"Hətta dedim ki, oğlumun adını Asim qoysunlar, ölsəm, əvvəlinə R hərfi qoyub "Rasim" edərsiniz. Həyatdan tamamilə küsmüşdüm. Həmin vaxt rejissor Həsən Seyidbəyli məni "Nəsimi" filminə dəvət etdi, amma mən heç nə etmək istəmirdim. "Xəstəyəm", - deyərək təklifi qəbul etmədim. Həsən müəllim əl çəkmədi, israr etdi və məcbur olub razılaşdım. Elə bil, bu film həyatımda sözün əsil mənasında dönüş nöqtəsi oldu".