1970-ci illərdə "Sezercik" uşaq obrazı ilə tanınan Sezer İnanoğlu üçüncü həyat yoldaşı Zeynəb Yılmazdan boşanır.

Axşam.az-ın Türkiyə mətbuatına istinadən məlumatına görə, keçən il ailə quran Sezer keçən həftə məhkəməyə gedərək boşanma ərizəsini verib.

Keçən il də nikahdan bir müddət sonra boşanmaq qərarı verən cütlük evlliklərini xilas edərək barışmışdı.

Qeyd edək ki, atası tanınmış prodüser Berker İnanoğlu olan Sezer çəkildiyi filmlər sayəsində şöhrətin zirvəsinə yüksəlsə də, axıradak imicini qoruyub saxlaya bilməyib. Narkotik ticarəti və polisə silahlı hücum cinayətlərindən həbs edilən S.İnanoğlu daha əvvəl 2 dəfə evli olub.

Onun 1996-cı ildə evləndiyi ilk həyat yoldaşı Nil Pınar bir il sonra özünə silahla atəş açaraq intihar edib. Aktyorun adı bu intihar hadisəsində cinayətkar kimi hallansa da, heç bir sübut tapılmadığından sərbəst buraxılmışdı.

2007-ci ildə Mehtap Maral Kaykasoğlu ilə ailə quran Sezerin 2009-cu ildə anadangəlmə kor olan qızı Arzum Ayşe dünyaya gəlib. Cütlüyün qızının fiziki qüsurlu doğulması Sezerin hamiləlik müddətində xanımına zorakılıq tətbiq etməsi ilə əlaqələndirilirdi. Cütlük 2 il yarımlıq ailə həyatından sonra ayrılmaq qərarına gəlmişdi.