Türkiyənin “Kanal D” televiziyasında yayımlanan “Vətənim sənsən” serialında gözlənilməz dəyişiklik olacaq.

Axar.az xəbər verir ki, “O3 Media”nın istehsal etdiyi, qısa müddətdə sevilən seriala çevrilən “Vətənim sənsən”ə Atatürk obrazının daxil edilməsi qərara alınıb.

Serialın 3-cü bölümündə xüsusi olaraq 10 noyabr üçün çəkilən “Atatürk” səhnəsi izləyicilərdə böyük maraq oyatmış və reytinqlərdə böyük uğur əldə etmişdi. Bunu görən “O3 Media” seriala Atatürk obrazını daxil etmək qərarına gəlib.

Qeyd edək ki, “Kanal D”-də yayımlanan “Vətənim sənsən” serialında baş rolu Xalid Ərgənç və Bərgüzar Korel canlandırır.