Bir vaxtlar kinolarımızda uşaq rollarının ifaçılarının indi harada olduqları və zahiri baxımdan necə göründükləri yəqin ki, çoxları üçün maraqlıdır.

Kult.az kinematoqrafiyamızın maraqlı uşaq obrazlarını təqdim edir:

Sevinc Axundova – “Ögey ana” filmində ağ bantlı, əlində cücə gəzdirən Cəmilə. S.Axundova hazırda musiqi sahəsində çalışır. Çoxsaylı tələbələri ilə var.

Cəmil Quliyev - “Alma almaya bənzər” filmində almanı tumu ilə bərabər yeyən Kərimov. Hazırda İctimai TV-nin baş direktorudur.

Elçin Şıxlı - “Dəli Kür” filmində mollaxana şagirdi rolunda çıxış edib. O, 2001-ci ilin yanvarından "Ayna" - "Zerkalo" qəzetlərinin təsisçisi və baş redaktoru, 1989-ci ildən Azərbaycan Yazıçılar İttifaqının üzvü, 2006-cı ildən Azərbaycan Jurnalistlər Birliyinin sədridir.

Bəxtiyar Məmmədov - “Yuxu” filmində Bədəl kimi yaddaşlara həkk olunan Səxavət Məmmədovun oğlu Bəxtiyar hazırda Azərbaycan Respublikasının İtaliyadakı səfirliyində çalışır.

Məryəm Seyidbəyli - “Telefonçu qız”ın Mehribanı. Hazırda tarix elmləri doktoru olan Məryəm Seyidbəyli AMEA-da çalışır.

İbrahim Ləmbəranski - “Şir evdən getdi” filminin Muradı, Əliş Ləmbəranskinin nəvəsi hazırda Pirahhahı rayonunun prokurorudur.