Ana səhifə Kult Sinema |
Vaqif İbrahimoğlu 18 oktyabr 1949-cu ildə Bakıda doğulub.
1972-ci ildə Azərbaycan Dövlət Mədəniyyət və İncəsənət İnstitutunun dram və kino aktyorluğu fakültəsini bitirdikdən sonra Gənc Tamaşaçılar Teatrında aktyor kimi çalışıb. 1979-1982-ci illərdə Tədris Teatrında Bədii rəhbər kimi çalışan İbrahimoğlu, 1982-1989-cu illərdə isə Azərbaycan Dövlət Musiqili Komediya Teatrında baş rejissor vəzifəsində fəaliyyət göstərib.
Rejissorun adı daha çox YUĞ teatrı ilə bağlıdır. O, elə doğum günündə - 1989-cu il oktyabrın 18-də ömrünün qırxıncı payızında Həsənağa Turabovla birlikdə bu teatrın əsasını qoyub. Teatr 1992-ci ildə dövlət statusu alıb.
Onun filmoqrafiyasında yer alan “Dantenin yubileyi”, “Qəm pəncərəsi”, “Otel otağı” kimi filmlər həm Azərbaycan film tarixinə, həm də yaddaşlara əbədiyyən həkk olunub.
Vaqif İbrahimoğlu təvazökar, səmimi olduğu qədər də ekstravaqant, novator idi.
“Mən ənənəvi teatra nifrət edirəm” – deyən rejissor klassik tamaşalara verdiyi modern quruluşla, fərqli rakursla yeniliyin, inkişafın tərəfində olduğunu bir daha sübut edirdi.
Daha ətraflı Axar TV-nin təqdimatında...
Tarix
2017.10.19 / 17:25
|
Müəllif
Ömər, Ülkər
|