Baş rollarda Kənan İmirzalıoğlu, Məryəm Üzərli və digər məşhur sənətçilərin oynadığı “Cingöz Recai” filmi Türkiyədə gözlənilən izləyici kütləsi toplaya bilməyib.

Kult.az xəbər verir ki, bu barədə informasiyanı Türkiyənin “Sabah” qəzeti yayıb. Filmin bəyənilməməsinə ssenaridəki boşluqların səbəb olduğu bildirilib. Qəzet “Sanki bu filmi çəkmək üçün rejissor Onur Ünlünün başına silah dayayıblar”, - sözlərini yazaraq filmi sərt tənqid edib.

Qeyd edək ki, “Sabah” qəzetindən əlavə “Habertürk” də filmi tənqid edərək, sponsorlara “Bu filmi maliyyələşdirdiyiniz üçün peşmansınızmı?”, - ritorik sualını ünvanlayıb.