Rejissor Şamil Əliyevin “Çölçü” filmi “Kult tənqidi film mükafatları”nın yanvar mövsümünün “ən yaxşı bədii film” nominasiyası üzrə qalibi olub.

Kult.az xəbər verir ki, mükafatın təqdimetmə mərasimi bu ilin ortalarında Hindistanın Kolkata şəhərində keçiriləcək.

Mədəniyyət və Turizm Nazirliyinin sifarişi ilə “Azərbaycanfilm” kinostudiyasında istehsal olunmuş film bir sıra beynəlxalq festivallarda nümayiş olunaraq mükafatlara layiq görülüb.

Qeyd edək ki, “Çölçü” filminin ssenari müəllifi Vidadi Həsənov, quruluşçu operatoru Rafiq Quliyev, quruluşçu rəssamları Rafiq Nəsirov və İbrahim Aminovdur. Rollarda Vidadi Həsənov, Bəhruz Vaqifoğlu, Cavidan Məmmədov və başqaları çəkilib. Film çölçü həyat tərzi keçirən cavan oğlanın hekayəsindən bəhs edir.