Estrada janrının şanson ifa tərzinin təqdimatçısı kimi tanınan Mirzə Babayev 1913-cü il iyulun 16-da Bakıda anadan olub. Ali təhsilini Əzizbəyov adına Sənayə İnstitutunun memarlıq fakültəsində alıb. Müğənnilik fəaliyyətinə isə 40-cı illərin əvvəlində görkəmli bəstəkar Tofiq Quliyevin rəhbərlik etdiyi caz orkestrində başlayıb.

1948-ci ildə Azərbaycan Dövlət Konservatoriyasına, korifey sənətkar Bülbülün sinfinə daxil olub. Deyilənə görə, Bülbül onu opera müğənnisi kimi hazırlamaq istəyirmiş. Amma Tofiq Quliyev deyib ki, Mirzənin səsi estrada mahnılarının ifası üçün daha uyğundur.

Xalq artisti Mirzə Babayev həm də gözəl aktyor idi. O, ümumilikdə 40-dan çox filmdə rol almışdı. “Bəyin oğurlanması”, “Dərviş Parisi partladır”, “Dəli Kür”, “Qaraca qız”, “Qorxma, mən səninləyəm” kimi filmlərdə rol alıb.

Sənətkarın nəvəsi Emin Babayev müsahibələrinin birində deyir ki, Mirzə Babayevi “O olmasın, bu olsun” filmində Məşədi İbad roluna çəkmək istəyiblər, lakin kimsə buna mane olub. Məşədi İbadın yalnız musiqi partiyalarını ona etibar ediblər.

Daha ətraflı Axar TV-nin təqdim etdiyi süjetdə: