Ana səhifə Kult Sinema |
Prokatı Rusiyada qadağan edilən “Stalinin ölümü” komediya filminin çəkilişləri Ukraynada aparılıb.
Kult.az xəbər verir ki, bunu Rusiya Mədəniyyət naziri Vladimir Medinski özünün Tvitter səhifəsində yazıb.
Nazir bunu simvolik hadisə adlandırıb.
“Demək olar ki, MDB ölkələrinin hamısında prokatı qadağan olan “Stalinin ölümü” ingilis komediya filminin Kiyevdə çəkildiyi məlum olub. Simvolikdir”, - Medinski yazıb.
Qeyd edək ki, “Stalinin ölümü” filmi yanvarın 25-də Moskvadakı “Pioner” kinoteatrında nümayiş olunub. Növbəti gün polis əməkdaşları kinoteatra gəlib.
Rusiya Mədəniyyət Nazirliyinin hüquqşünasları nazir Vladimir Medinskiyə çağırış edərək filmin kinoteatrlara buraxılmamasını istəyiblər. Buna səbəb kimi filmdə rus və sovet insanının alçaldılması və təhqir olunması göstərilir. Məhz bundan sonra filmin prokatı Rusiyanın bütün kinoteatrlarında qadağan olunub.
Tarix
2018.01.30 / 12:00
|
Müəllif
Anar Əhmədov
|