Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 Mart 2019


Teatrda qalmaqal: aktyorlar işdən çıxarılmalarına etiraz edir

Ana səhifə Kult Sinema
12 Punto 14 Punto 16 Punto 18 Punto

Gənc Tamaşaçılar Teatrının aktyorları işdən çıxarılmalarına etiraz edirlər.

Teatrın aktyoru, əməkdar artist Rahib Əliyev Report-a açıqlamasında teatr rəhbərliyinin qərarı ilə razılaşmadığını və işdən çıxmaq istəmədiyini bildirib.

Əməkdar artist mədəniyyət ocağından uzaqlaşdırılmasının qanunsuz olduğunu deyib: “Niyə çıxım axı? 50 ildən çoxdur ki, işləyirəm. Bunu şikayət kimi demirəm. Deyirlər işdən çıxacaqsan, əməkdar artist olduğunuz üçün də hər tamaşaya 44 manat verəcəyik. Bu, qanunsuzdur, başqa teatrlarda belə hal yoxdur. Əvvəl maaşımızı kəsib 50 faiz etdilər. İndi 148 manat maaş alıram. Elə aktyorlar var məndən də az əməkhaqqı alır. İndi də deyirlər təqaüdçüsünüz, gedin. Direktor yeni gəlib, niyə belə edir, bilmirəm. Dünən teatrdan məni çağırıb dedilər ki, indi imkan yoxdur, amma yaxşı olacaq və sair. Sonra getdim kadrlar şöbəsinə dedilər ki, əmək kitabçasını qaytaracağıq özünüzə, hər tamaşaya da 44 manat verəcəyik. Bu ay bir tamaşam var. Tamaşalar bitdikdən sonra da bizim artıq teatrla işimiz bitmiş olacaq”.

Xalq artisti Yasin Qarayev isə deyib ki, Gənc Tamaşaçılar Teatrının baş rejissoru Bəhram Osmanovun aktyoru işdən çıxarmaq və yaxud işə götürmək səlahiyyəti yoxdur:

“Bəhram Osmanov bədii rəhbər, yaradıcılığa baxan insandır. İşə götürən də, işdən çıxaran da direktordur. Müsahibə götürüblər, öz fikrini deyib. Mənə dedilər ərizə yazmalısan, etiraz etdim. 65 yaşından sonra müəssisənin direktoru 70 yaşına qədər 5 il ərzində 1 illik müqavilələr bağlaya bilər. Bir ildən sonra istəsə bağlamaz. Bu da işçilərin sayının 2 faizi qədər hesablanır. Mən belə düşünürəm ki, bu, teatrlara yox, dövlət qulluqçularına aiddir. Ağaxan Salmanlının 77 yaşı var. Ərizədə işdən çıxarıldığı qeyd olunur, ancaq onu xalq artisti kimi oynadığı tamaşalara görə dəvət edir və hər tamaşasına təxminən 40 manat verirlər. Yeni tamaşalarda isə rol verilmir”.

Qeyd edək ki, Gənc Tamaşaçılar Teatrı rəhbərliyinin qərarı ilə xalq artistləri Yasin Qarayev, Ağaxan Salmanlı, Lətifə Əliyeva, əməkdar artistlər Atabala Səfərov və Rahib Əliyev işdən çıxılıb. Buna səbəb kimi aktyorların pensiya yaşına çatmaları göstərilib.

Tarix
2019.01.11 / 16:10
Müəllif
Kult.az
Şərhlər
loading...
Digər xəbərlər

Ancelina Coli kinodan gedir

Aydın Xırdalanlı bununla həyatımı dəyişdi - Əməkdar artist

Əməkdar artistin heç yerdə görmədiyiniz - Fotosu

Ramiz Əzizbəyli yeni filmdə - Video

Filmimiz bu ölkədə də nümayiş olunacaq - Festival

Poladın atası qəzaya uğradı: dərhal hadisə yerinə...

İfaçımızın "Diriliş Ərtoğrul"da ifası rekord qırdı - Video

İmanov qardaşları “Məhəllə 3”-ü təqdim etdi - Video

Yeni “Rembo” gəlir: təqdimat tarixi açıqlandı

Tanınmış türkiyəli aktyor vəfat etdi

KULT
<>
Xəbər xətti
 
Axar.az'da reklam Bağla
Reklam
Bize yazin Bağla