Əhməd bəy Ağaoğlunun həyatından bəhs edən “Difai fədailəri” əsərinə film çəkilməsi üçün xalq şairi Sabir Rüstəmxanlının Mədəniyyət Nazirliyinə müraciətindən xəbərsizəm.

Bu sözləri Kult.az-a açıqlamasında Mədəniyyət Nazirliyinin mətbuat katibi İntiqam Hümbətov deyib.

O bildirib ki, Prezidentin Əhməd bəy Ağaoğlunun 150 illik yubileyi ilə bağlı sərəncamından sonra tədbirlər planı hazırlanır.

Nazirlik rəsmisi onu da qeyd edib ki, kino sahəsinin inkişafı üçün Mədəniyyət Nazirliyi müsabiqə elan edib:

“Müsabiqə ilə bağlı müvafiq elan nazirliyin saytında yerləşdirilib. Ssenarilərin təqdim olunma qaydası və formaları barədə məlumatlar qeyd edilib. Təqdim olunan bütün layihələrə baxılıb, qərar veriləcək”.

Qeyd edək ki, xalq şairi Sabir Rüstəmxanlı Əhməd bəy Ağaoğlunun həyatından bəhs edən “Difai fədailəri” əsərinə film çəkilməsi üçün Mədəniyyət Nazirliyinə müraciət etdiyini, lakin nazirliyin bu müraciətə cavab vermədiyini bildirmişdi.