Ana səhifə Kult Sinema |
Millət vəkili Qənirə Paşayeva tanınmış araşdırmaçı-yazar Zemfira Məhərrəmlinin "Qarabağ müharibəsi: zərif talelər" əsəri əsasında çəkilən "Döyüşə qızlar gedir" filmin təqdimatında çıxış edib.
Kult.az xəbər verir ki, müəllifi yeni kitabı və film münasibətilə təbrik edən Qənirə Paşayeva Qarabağ müharibəsində fədakarcasına, qəhrəmanlıqla vuruşan qadınlarımızın daha çox təbliğ edilməsinin vacibliyini bildirib.
Millət vəkili Qarabağ müharibəsində qəhrəman oğullarımızla yanaşı, qəhrəman qızlarımızın da vuruşduğunu bildirib:
“Biz qəhrəman, qazi oğullarımızı təbliğ edirik, bu, belə də olmalıdır. Ancaq unutmamalıyıq ki, Vətən darda olanda istər arxa, istərsə də ön cəbhədə oğullarımızla çiyin-çiyinə döyüşən qızlarımız da vardı və gənc nəsillərimizin hərbi vətənpərvərlik ruhunda yetişməsi üçün qəhrəman oğullarımızla yanaşı, qəhrəman qızlarımızın da gənc nəsillərə tanıdılması, təbliği çox vacibdir”.
Belə filmlərin çəkilməsini təqdirəlayiq hal kimi qiymətləndirdiyini deyən millət vəkili qeyd edib ki, hələ Qarabağ yaramız sağalmayıb, gənclərimizin vətənpərvərlik ruhunda böyüməsi üçün oğullarımızla yanaşı, qızlarımızın da qəhrəmanlıqları təbliğ olunmalıdır. O, Qarabağ müharibəsində fədakarcasına, qəhrəmanlıqla vuruşan qadınlarımızın gənc qızlar üçün əsl örnək olduğunu xüsusi vurğulayıb və onların gənclərə daha yaxından tanıdılması üçün KİV-lərə, televiziyalara, universitetlərə çağırış edib:
“Qarabağ müharibəsində fədakarcasına, qəhrəmanlıqla vuruşan qadınlarımız barədə reportaj, proqramların hazırlanması, onların müxtəlif verilişlərə daha çox dəvət olunması, bir sözlə, onların cəmiyyətə daha yaxından tanıdılması böyüyən gənc qızlarımız üçün çox önəmlidir”.
Tarix
2019.05.03 / 20:21
|
Müəllif
Kult.az
|