Argentinanın futbol üzrə hücumçusu Lionel Messi ölkə serialının çəkilişlərində iştirak edib.

Kult.az xəbər verir ki, forvard Argentinanın “Los Protectores” serialının epizodlarından birində görünəcək.

Ssenariyə əsasən, Messi serialda özünü canlandırır və iflasdan qaçmağa çalışan üç agent hücumçunun tətil günlərində hər gün yeni Argentina klubunda oynamasını təklif edir.

Bildirilir ki, çəkilişlər argentinalı PSJ-də çıxış etdiyi vaxt Parisdə aparılıb.

Xatırladaq ki, yay transfer pəncərəsində Messi PSJ-dən ayrılaraq azad agent kimi “İnter Mayami”yə keçib. Messi ötən mövsüm bütün turnirlərdə 41 oyuna çıxıb, 21 qol vurub, 20 məhsuldar ötürmə edib.