Ermənistan və Azərbaycan potensial ticarət üçün malların siyahısını mübadilə edir və öyrənirlər.

Axar.az xəbər verir ki, bunu Ermənistan Baş naziri Nikol Paşinyan deyib.

“Bazar əvvəlcədən araşdırılmış və bu fürsəti siyasi aksiyaya çevirməyəcək iş adamlarına təklif verilmişdi. Biz belə bir imkanın olduğunu dedik. Hər iki tərəfdən şirkətlər — səhv etmirəmsə, bizim tərəfimizdə iki şirkət var idi — əlaqə qurdular. Üstəlik, birinci partiyanın idxalı zamanı boykot baş verdi. Bu benzini satmaqdan imtina edən yanacaqdoldurma məntəqələri şəbəkələri var idi”, - Paşinyan bildirib.

Onun sözlərinə görə, bir neçə partiyadan sonra bazarın və imkanların hər kəs üçün açıq olduğu aydın olacaq:

“Və kim istəsə, onlardan yararlana bilər”.