Təəssüf ki, Türkiyə hakimiyyətinin mövqeyi bizə Ermənistan-Türkiyə münasibətlərindən ciddi şəkildə bəhs etməyə imkan vermir.

Axar.az xəbər verir ki, bunu Tehrandakı erməni icmasının qarşısında çıxışı zamanı Ermənistan Baş naziri Nikol Paşinyan deyib.

“Türkiyə daimi olaraq ikitərəfli münasibətləri Qarabağ-Ermənistan-Azərbaycan münasibətləriylə əlaqələndirir. Situasiya belə davam etdiyinə görə bizim optimizm üçün əsasımız ola bilməz. Türkiyənin bu gün Qarabağla bağlı ilkin şərti var. “Erməni soyqırımı”nın beynəlxalq aləm tərəfindən tanınması Ermənistan üçün fövqəladə vacib məsələdir. Sual yarana bilər ki, bizim “soyqırım”ın tanınmasından danışmağımız ilkin şərt deyilmi? “Soyqırım”la mübarizə qlobal təhlükəsizliyin gündəm məsələsidir. Biz “erməni soyqırımı”nın tanıdılmasına davam edəcəyik”, – deyə o bildirib.