Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
8 Aprel 2020


Paşinyan Münhendə Bakıya böyük dəstək verdi

Ana səhifə Siyasət
12 Punto 14 Punto 16 Punto 18 Punto

Nikol Paşinyan özü də anlamadan beynəlxalq ictimaiyyət qarşısında Azərbaycanın haqlı mübarizəsini təsdiqlədi.

Bu sözləri Axar.az-a açıqlamasında sabiq xarici işlər naziri, politoloq Tofiq Zülfüqarov fevralın 15-də Münhen Təhlükəsizlik Konfransı çərçivəsində Azərbaycan Prezidenti İlham Əliyev və Ermənistan Baş naziri Nikol Paşinyanın iştirakı ilə Ermənistan-Azərbaycan Dağlıq Qarabağ münaqişəsi ilə bağlı keçirilən panel haqda danışarkən deyib. O bildirib ki, debat zamanı Prezident İlham Əliyev N.Paşinyanı bir çox məsələdə üstələdi:

“Ölkə başçısı istər səlis danışıq qabiliyyəti, istərsə də münaqişəyə tarixi kontekstdən yanaşma tərzinə görə Paşinyanı çətin vəziyyətə saldı. Bu faktdan artıq erməni ictimaiyyəti də danışır. Erməni mətbuatı Paşinyanın İlham Əliyev qarşısında ölkə başçısına yaraşmayan tərzdə çıxış etdiyini qeyd edib. Cənab Prezident bir daha sübut etdi ki, Azərbaycanın mövqeyi Ermənistanın mövqeyindən daha güclüdür. Azərbaycan Prezidentinin konstruktiv yanaşması haqlı bir mübarizədən xəbər verir. Çünki haqsız bir məsələni müdafiə etmək olduqca çətin bir işdir. Hesab edirəm, bu diskussiyanın təsiri Ermənistanda Paşinyanın mövqeyini sarsıdacaq. Əslində, bu görüş onu sübut etdi ki, Azərbaycan hərbi sahədə olduğu kimi, diplomatik sahədə də böyük üstünlüklər əldə edib”.

Politoloq Paşinyanın 1994-cü ildə atəşkəsin Ermənistan, “Dağlıq Qarabağ” və Azərbaycan arasında imzalanması haqda iddialarına da aydınlıq gətirib:

“Bu, Ermənistan tərəfinin işlətdiyi ənənəvi yalanlardandır, çünki atəşkəslə bağlı rəsmi bir saziş mövcud deyil. Ermənistan tərəfi belə bir sənədin olduğunu iddia edirsə, buyurub göstərə bilər. Bu, sadəcə bir razılaşmadı. Birincisi, saziş bağlayan tərəflər rəsmi olaraq bir-birinin bərabər səviyyədə olduğunu qəbul edirlər. Bu, beynəlxalq hüquqda da öz əksini tapan bir nüansdır. Azərbaycanın isə Dağlıq Qarabağı özü ilə bərabər hüquqda tanıması mümkün deyil. İkincisi, saziş bağlanarkən imza çəkilən hissədə tərəflər göstərilir, daha sonra rəsmi imzalar atılır. Bax bu fakt Paşinyanın iddialarını çürütməyə kifayət edir. Çünki ortada belə bir saziş yoxdur. Bu, faktiki bir razılaşmadı. Görünür, Paşinyan hələ razılaşma ilə saziş arasında fərqi bilmir.

Mən birbaşa bu prosesin içində olmuşam və detallara, incə məqamlara bələdəm. Rusiya Xarici İşlər Nazirliyinə Azərbaycan tərəfindən razılıq göndərilib ki, təyin olunmuş vaxt ərzində atəşkəs rejiminə sadiq qalacağıq. Buna imza atan şəxs isə Azərbaycanın müdafiə naziridir. Digər istənilən tərəf də vasitəçi ölkəyə oxşar müraciət edə bilər. “Dağlıq Qarabağ” tərəfinin oxşar addımı atması Azərbaycanla qondarma rejimin rəsmi bir saziş imzalaması və ya onu öz səviyyəsində tanıması demək deyil”.

Tarix
2020.02.17 / 14:38
Müəllif
Turan Rzayev
Şərhlər
Digər xəbərlər

Rusiya dərhal İrəvana iki hərbi təyyarə göndərdi – Səbəb

Norveç qondarma "seçkiləri" tanımır

Akopyan: Bir gün oyanacağıq ki, Qarabağ Azərbaycandadır - Video

Bakı öz gücünü göstərdi – İlham Əliyev

Bu qıtlıqdan istifadə edən işbazlar var... – Millət vəkili

Böyük nailiyyətlər əldə edildi - Prezident

Belə addımlar xəyanət kimi qəbul ediləcək - Prezident

İlham Əliyev Azərbaycan xalqına müraciət etdi - Foto

Daha bir təşkilat Qarabağdakı “seçkilər”i tanımadı

Səttarova vəzifə verildi - Sərəncam

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla