Türkiyənin Azərbaycandakı səfirliyi 15 iyul – Demokratiya və Milli Birlik Günü münasibətilə videokonfrans vasitəsilə anma tədbiri keçirir.

Axar.az xəbər verir ki, Türkiyə səfiri Ərkan Özoral əvvəlcə Ermənistan-Azərbaycan sərhədində hərbi əməliyyatların davam etdiyini bildirb:

“Təəssüf ki, şəhidlərimiz var. Öncə şəhidlərimizə Allahdan rəhmət diləmək istəyirəm. Yaralılara Allahdan şəfa diləyirəm. Bütün Azərbaycan xalqına başsağlığı verirəm. Allah Azərbaycanı ən yaxın zamanda müzəffər etsin. Qarabağ təkar gerçək sahiblərinə dönsün deyirəm”.

Daha sonra bu günlərdə sərhəddə veridiyimiz şəhidlərin və Türkiyədə çevriliş cəhdi zamanı həlak olmuş 251 şəhidin xatirəsi bir dəqiqəlik sükutla yad olunub.

Türkiyə və Azərbaycanın dövlət himnləri səsləndirilib.

Səfirliyin dini məsələlər üzrə müşaviri Zeki Yavuzyılmaz tərəfindən “Qurani-Şərif”dən ayə və daha sonra dua oxunub.

Onlayn konfrans davam edir.