Şayiələrlə, yalanlarla bu münasibətlərə xələl gətirmək istəyirlər. İki ölkənin yaxın münasibətlərinin çoxlu düşmənmləri var. Bizim regiondakı məsələlərlə bağlı mövqeyimiz məlumdur.

Axar.az xəbər verir ki, bunu keçirdiyi mətbaut konfransında İranın Azərbaycandakı səfiri Seyid Abbas Musəvi Azərbaycan və İran münasibətləri haqda danışarkən bildirib.

Rusiyadan silah-sursatın İran vasitəsilə Ermənsitana daşınmasına dair sualı cavablandıran səfir qeyd edib ki, Azərbaycanla münaisbətlərin möhkləmlənməsində məhdudiyyət yoxdur:

“Biz Ermənistanla adi qonşuluq münasibətlərinə malikik. İran İslam Respublikası heç bir vəchlə imkan verməz ki, qonşu, dost müsəlman ölkəsinin əleyhinə hər hansı iş görülsün. Mən İranda olanda bu xəbəri araşdırdım, ölkəmizin yüksək rütbəli şəxsləri ilə danışdım. İran ərazisindən Ermənistana silah-sursatın daşınmasını qətiyyətlə təkzib edirik. Rusiya səfirinin də Bakıda dediyi kimi, onların öz hərbi hissəsinə tikinti materialları daşınıb. Mən sizin sabiq həmkarınız olaraq sizə demək istəyirəm ki, bu kimi xəbərlərlə çox ehtiyatla davranmaq lazımdır”.