Prezident İlham Əliyevin BBC telekanalının əməkdaşına müsahibəsi əcnəbi jurnalistlərin diqqətindən kənarda qalmayıb.

Axar.az xəbər verir ki, “PolitRussia” nəşri Azərbaycan Prezidentinin sərrast cavablarını təhlil edən reportaj hazırlayıb.

Jurnalist qeyd edir ki, Qərb mediasının aparıcı kütləvi informasiya vasitələri həqiqəti nə qədər gizlətməyə, onun yayılmasının qarşısını almağa cəhd göstərsə də, bəzən bir nəfər yüksək statuslu siyasətçi Qərb tərəfindən sırınan qaydalara məhəl qoymayaraq yalan və təhdid üzərində qurulmuş informasiya siyasətini mədəni şəkildə darmadağın edir.

Azərbaycan Prezidentinin müsahibəsini analiz edən jurnalist Ruslan Ostaşko İlham Əliyevin hədəfə dəyən cavablarının sosial şəbəkələrdə də böyük rəğbətlə qarşılandığını vurğulayıb.